«Антальяспор» футболчиси Георгий Джикиянинг агенти Владимир Кузьмичёв россиялик ҳимоячининг келажаги борасидаги миш-мишларга муносабат билдирди. Бу ҳақда euro-football.ru хабар беради.
Унинг айтишича, Джикия билан ҳаммаси жойида ва клуб футболчига ишонмоқда. Сўнгги ўйинларда майдонга тушмагани эса микро-жароҳат билан боғлиқ бўлган, ҳозир эса у тўлиқ тикланган ва кейинги учрашувда ўйнаши кутилмоқда.
Аввалроқ турк матбуотида «Спартак»нинг собиқ сардори билан хайрлашиш эҳтимоли борлиги ҳақида хабарлар тарқалган эди.
Джикиянинг бу мавсум Туркия чемпионатида 12 та ўйинда иштирок этиб, 2 бор рақиб дарвозасини ишғол қилгани қайд этилди. Унинг «Антальяспор» билан шартномаси 2027 йилнинг ўрталаригача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
