Машҳур шарҳловчи Константин Генич Мадриднинг «Реал» клубига эндигина бош мураббий этиб тайинланган Алваро Арбелоанинг илк иш кунлари ҳақида фикр билдирди. Бу ҳақда euro-football.ru хабар беради.
Геничнинг таъкидлашича, Арбелоа учун ҳафта ниҳоятда оғир ва кутилмаган воқеаларга бой бўлган: жамоа «Албасете»га ютқазиб мусобақани тарк этган, кейин эса «Леванте»га қарши жуда машаққатли ўйинда «Реал» катта қийналган. Шарҳловчи буларнинг барчаси мураббий учун янгича тажриба бўлганини, ундан кейин «Монако» билан учрашув ҳам кутиб турганини айтди.
Эслатиб ўтамиз, Арбелоа «қироллик клуби»ни испан мутахассиси Хаби Алонсо истеъфосидан сўнг қабул қилиб олган.
«Реал»нинг навбатдаги учрашуви Чемпионлар лигаси умумий босқичининг сўнгги турида Лиссабоннинг «Бенфика» клубига қарши ўтади.
“Zamin”ни Telegram'да ўқинг!
