Oracle компанияси 31-март куни электрон почта орқали тахминан 20 000 дан 30 000 гача ходимни ишдан бўшатди. Ишдан бўшатилган ходимлардан бири VPN тизимига кира олмаганида ва Slack аккаунти ўчирилганини аниқлаганида вазиятдан хабар топган. Кўп ўтмай, унга лавозими бекор қилингани ҳақида расмий хабар келган. Бу ҳақда Techcrunch.com хабар беради.
Компания томонидан таклиф этилган компенсация пакети кўплаб ходимларнинг норозилигига сабаб бўлди. Oracle судга даъво қилмаслик шарти билан биринчи йил учун тўрт ҳафталик, кейинги ҳар бир йил учун эса бир ҳафталик иш ҳақи тўлашни таклиф қилди. Бироқ, бу тўловлар максимал 26 ҳафта билан чекланган эди.
Энг катта муаммо акциялар (РСУ) билан боғлиқ бўлди. Oracle ходимларнинг ишдан бўшатилган санагача ўзлаштирилмаган акцияларини бекор қилди. Натижада, баъзи ходимлар қисқа муддат қолганида миллионлаб долларлик акцияларидан маҳрум бўлишди. Компания ҳатто рағбатлантириш сифатида берилган акцияларни ҳам сақлаб қолмади.
Шунингдек, компания ходимларни "масофавий ишчи" деб таснифлаш орқали ВАРН қонуни талабларини четлаб ўтишга уринди. Ушбу қонун оммавий қисқартиришларда икки ой олдин огоҳлантиришни талаб қилади. Oracle эса бу огоҳлантириш учун тўланадиган маблағни умумий компенсация ҳисобига қўшиб юборди, бу эса ходимларнинг норозилигини янада кучайтирди.
“Zamin”ни Telegram'да ўқинг!
