Сундерланд Англия Премер-лигасига қайтганидан сўнг муваффақиятли мавсум ўтказаётган бўлса-да, клуб бошқарувида ўзгаришлар бўлиши мумкинлиги ҳақидаги миш-мишлар тинмаяпти. Хусусан, Тоттенхемдаги муваффақиятсиз фаолиятидан сўнг ишсиз қолган Тҳомас Франкнинг номи "қора мушуклар" билан боғланмоқда. Бу ҳақда Goal.com хабар беради.
Жамоа афсонаси Майкл Грей ГОАЛ нашрига берган интервюсида бу хабарларни "ақлдан озганлик" деб атади. Регис Ле Брис жамоани саккиз йиллик танаффусдан сўнг элитага қайтариб, мухлислар меҳрини қозонган эди. Мутахассиснинг самарали трансфер сиёсати туфайли Сундерланд ҳозирда турнир жадвалининг юқори қисмида бормоқда.
Грейнинг фикрича, Регис Ле Брисни истеъфога чиқариш катта хато бўлади. У клуб раҳбарияти франциялик мураббийга янги шартнома таклиф қилиши ва жамоани кейинги босқичга олиб чиқиш имконини бериши кераклигини таъкидлади.
Шунга қарамай, футбол олами кутилмаган воқеаларга бой. Агар раҳбарият барибир ўзгаришга қарор қилса, Премер-лигада катта тажрибага эга Тҳомас Франк каби мураббий Сундерланд учун мос номзод бўлиши мумкинлигини ҳам инкор этмади.
“Zamin”ни Telegram'да ўқинг!
