2030 йилги футбол бўйича Жаҳон чемпионати финали Испанияда бўлиб ўтиши мумкин. BBC хабарига кўра, бу ҳақда Испания футбол федерацияси президенти Рафаэл Лузан маълум қилган. Бу ҳақда euro-football.ru хабар беради.
Мусобақани Испания, Португалия ва Марокаш биргаликда қабул қилади. Турнирнинг илк уч учрашуви эса мусобақанинг 100 йиллиги муносабати билан Уругвай, Аргентина ва Парагвайда ўтказилади.
Лузан Испания кўп йиллардан бери йирик тадбирларни юқори савияда ташкил этиб келаётганини таъкидлади ва 2030 йилги мундиалнинг финали айнан шу мамлакатда ўтишини айтди. Бироқ у ҳал қилувчи ўйин қайси стадионда бўлишини очиқламади.
Аввалроқ Марокаш томони финални Касабланкадаги “Grand Stad Hassan II” аренасида ўтказишни истаганини билдирганди. Қурилиши 2028 йилда якунланиши кутилayotgan стадион 115 минг томошабинни сиғдира олиши айтилмоқда. FIFA эса ҳозирча финал манзили бўйича расмий изоҳ бермаган.
“Zamin”ни Telegram'да ўқинг!
