«Антальяспор» ҳимоячиси Георгий Джикиянинг агенти Владимир Кузьмичёв россиялик футболчининг клубдаги келажаги борасидаги гап-сўзларга муносабат билдирди. Бу ҳақда euro-football.ru хабар беради.
Агентнинг айтишича, Джикиянинг аҳволи яхши ва жамоа унга ишонмоқда. Ҳимоячи сўнгги учрашувларда майдонга тушмагани сабаби — енгил жароҳат бўлган, ҳозир эса тўлиқ тикланган ва эҳтимол, кейинги ўйинда таркибда бўлади.
Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикиянинг «Антальяспор» билан амалдаги шартномаси 2027 йил ўрталаргача мўлжалланган. У жорий мавсум Туркия чемпионатида 12 та ўйинда қатнашиб, 2 бор рақиб дарвозасини ишғол қилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
