2030 йилги футбол бўйича жаҳон чемпионати финали Испанияда ўтказилиши мумкин. BBC хабарига кўра, бу ҳақда Испания футбол федерацияси президенти Рафаэл Лусан маълум қилган. Бу ҳақда euro-football.ru хабар беради.
Турнирни Испания, Португалия ва Марокаш ҳамкорликда қабул қилади. Мусобақанинг илк уч учрашуви эса жаҳон чемпионати ташкил этилганига 100 йил тўлиши муносабати билан Уругвай, Аргентина ва Парагвайда бўлиб ўтади.
Лусан Испания кўп йиллардан бери йирик тадбирларни юқори савияда ўтказиб келаётганини таъкидлаб, 2030 йилги мундиалда ҳам етакчи мезбон бўлишини айтди. Шунингдек, финал айнан шу мамлакатда ўйналишини билдирган, бироқ қайси стадион танлангани ҳақида ҳозирча аниқлик киритмаган.
Марокаш томони эса аввалроқ финални Касабланкадаги “Гранд Стад Ҳассан II” аренасида ўтказишни истаётганини билдирганди. Қурилиши 2028 йилга бориб якунланиши кутилаётган стадион 115 минг томошабинга мўлжалланган. FIFA эса ҳал қилувчи ўйин қаерда бўлиши масаласига ҳозирча изоҳ бермаган.
“Zamin”ни Telegram'да ўқинг!
