2030 йилги футбол бўйича Жаҳон чемпионати финали Испанияда бўлиб ўтиши эҳтимоли юқори. BBC хабарига кўра, бу ҳақда Испания футбол федерацияси президенти Рафаэл Лусан маълум қилган. Бу ҳақда euro-football.ru хабар беради.
Турнирни Испания, Португалия ва Марокаш биргаликда қабул қилади. Мусобақанинг дастлабки уч учрашуви эса мундиалнинг 100 йиллиги муносабати билан Уругвай, Аргентина ва Парагвайда ўтказилиши режалаштирилган.
Лусан Испания кўп йиллардан буён йирик мусобақаларни юқори савияда ташкил эта олишини таъкидлаб, 2030 йилги мундиалда мезбонлик бўйича етакчи роль айнан шу мамлакатга тегишли бўлишини айтди. Бироқ у финал қайси стадионда ўтишини аниқлаштирмади.
Аввалроқ Марокаш томони финални Касабланкадаги “Grand Stad Hassan II” аренасида ўтказишни истаганини билдирган эди. Қурилиши 2028 йилга бориб якунланиши керак бўлган стадион 115 минг томошабинга мўлжалланиши кутилмоқда. FIFA эса ҳозирча ҳал қилувчи ўйин манзили бўйича изоҳ бермади.
“Zamin”ни Telegram'да ўқинг!
