Криштиану Роналду мураббий билан келишувга кўра ОФК Чемпионлар лигаси 2 гуруҳ босқичи ўйинларида майдонга тушмаяпти. Шунга қарамай, Саудия Арабистонининг «Ал-Наср» жамоаси етакчисиз ҳам барқарор натижа кўрсатмоқда. Бу ҳақда euro-football.ru хабар беради.
Чоршанба кунги учрашувда «Ал-Наср» гуруҳдаги бешинчи ўйинини ҳам ютди: Тожикистонда «Истиқлол» 4:0 ҳисобида йирик мағлуб этилди.
Ўйин якундан сўнг Роналду ижтимоий тармоқларда «Ал-Наср» гуруҳни биринчи ўринда якунлаб, турнирнинг кейинги босқичига чиққанини ҳақидаги хабарни репост қилди. Португалиялик ҳужумчи постга олов ва қарсак эмодзилари билан муносабат билдирди.
40 ёшли Роналду «Ал-Наср» билан амалдаги шартномага эга бўлиб, унинг келишуви 2027 йил ўрталаригача мўлжалланган.
Шунингдек, интернетда Роналду ва Тожикистон ҳақидаги сохта хабар ҳам қизғин муҳокама қилинмоқда.
“Zamin”ни Telegram'да ўқинг!
