«Бавария» ҳужумчиси Гарри Кейн фаолиятидаги 100-пенальтисини аниқ ижро этди. Англиялик форвард Бундеслига доирасидаги «Вердер»га қарши ўйинда (3:0) 11 метрлик зарбани голга айлантирди. Шу баҳснинг ўзида 32 ёшли футболчи умумий ҳисобда 500 та гол маррасига ҳам етиб борди. Бу ҳақда euro-football.ru хабар беради.
FIFA World Cup Stats маълумотига кўра, Кейн 21 асрда пенальтидан 100 та гол урган атиги учинчи футболчига айланди. Бу кўрсаткич бўйича ундан фақат Криштиану Роналду (181) ва Лионель Месси (112) юқорида турибди.
Эслатиб ўтамиз, Гарри Кейн 2023 йилда «Тоттенҳэм»дан «Бавария» сафига ўтганди. У фаолиятининг катта қисмини Лондон клубида ўтказган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
