Тошкент шаҳрида қизларни Дубайга алдаб жўнатган аёл ушланди

Тошкент шаҳрида қизларни хорижга ноқонуний равишда жўнатиш билан шуғулланган аёл қўлга олинди.

Маълум қилинишича, ушбу ҳолат ДХХ ва ички ишлар органлари ҳамкорлигида ўтказилган тезкор тадбир давомида фош этилган.

Текширувларга кўра, гумонланувчи жиноий гуруҳ вакили сифатида қизларни алдов йўли билан ёллаб, уларни хорижда жинсий эксплуатация қилиш мақсадида юбориш билан шуғулланган.

У 4 нафар қиздан бирини ўзи билан бирга Дубай шаҳрига олиб кетаётган пайтда Тошкент халқаро аэропортида тўхтатиб қолинган.

Мазкур ҳолат юзасидан унга нисбатан Жиноят кодексининг 135 моддаси билан жиноят иши қўзғатилиб, қамоқ эҳтиёт чораси қўлланилган.

Ҳозирда иш бўйича тергов ҳаракатлари давом эттирилмоқда.

Қонунчиликка мувофиқ, бундай жиноятлар учун 5 йилдан 10 йилгача озодликдан маҳрум қилиш жазоси белгиланган.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг