«Бенфика» бош мураббийи Жозе Моуриньо Чемпионлар лигасида «Реал»га қарши баҳсдан сўнг танқидлар остида қолди. У жамоасини ирқчиликда айблаш нотўғри эканини таъкидлади, шунингдек, гол урилгандан кейинги провокацион нишонлаш услуби учун Винисиус Жуниорни ҳам танқид қилди. Бу ҳақда euro-football.ru хабар беради.
Учрашув давомида Винисиус майдонда «Бенфика» футболчиси Жанлука Престияннини ўзига нисбатан ирқчилик қилганликда айблагани айтиламоқда. Мазкур ҳолат юзасидан УЕФА расмий текширув бошлади.
Моуриньони танқид қилганлар орасида «Бавария» устози Винсан Компани ҳам бор. Португалиянинг O Jogo нашрига кўра, Моуриньо вазиятни батафсил изоҳлашни истамади: «Буни комментарий қилишни хоҳламайман. Фақат шуни айтаман, бу ҳамма учун қийин бўлди — қайси даражада экани ҳақида аниқлик киритмайман, лекин осон бўлмади», — деди у.
«Реал» ва «Бенфика» ўртасидаги жавоб учрашуви 25 февраль куни бўлиб ўтади.
“Zamin”ни Telegram'да ўқинг!
