Челси ҳимоячиси Веслей Фофана кутилмаганда Барселона клубига таклиф қилинди. Каталонияликлар жамоаси ҳимоя чизиғини кучайтириш мақсадида франциялик футболчи билан боғлиқ вазиятни диққат билан ўрганмоқда. Бу ҳақда Goal.com хабар беради.
Скй Спорт Свитзерланд хабарига кўра, футболчининг вакиллари Барселона спорт директори Деcо билан бир неча бор музокара ўтказган. Челси клуби молиявий талабларни мувозанатлаштириш учун 25 ёшли ҳимоячини 30 миллион евро эвазига қўйиб юборишга тайёр.
Бироқ, Барселона клубининг молиявий аҳволи трансферни амалга оширишда асосий тўсиқ бўлиб турибди. Каталонияликлар футболчини сотиб олишдан кўра, дастлаб ижарага олиш ва келгусида сотиб олиш ҳуқуқини сақлаб қолиш вариантини маъқул кўрмоқда.
Веслей Фофана жорий мавсумда Челси сафида 34 та ўйинда майдонга тушиб, 2 та голли узатмани амалга оширди. Футболчи билан Италия А серияси клублари ҳам қизиқмоқда, шу сабабли Барселона тезроқ қарор қабул қилиши талаб этилади.
“Zamin”ни Telegram'да ўқинг!
