Янги илмий тадқиқотлар шуни кўрсатдики, Қуёш фаоллиги Ер орбитасидаги космик чиқиндиларнинг атмосферага тушиш тезлигига бевосита таъсир қилади. Қуёш фаоллашганда, Ер атмосферасининг юқори қатламлари бироз кенгайиб, зичроқ ҳолатга келади. Натижада паст орбитадаги обектлар кучлироқ қаршиликка учрайди ва баландлигини тезроқ йўқотади. Бу ҳақда Ихбт.ком хабар беради.
Олимлар 36 йил давомида 17 та космик чиқинди бўлагининг ҳаракатини таҳлил қилиб, шундай хулосага келишди. Тадқиқотчилар ушбу обектларнинг орбиталарини Қуёш доғлари сикллари ва нурланиш даражаси каби маълумотлар билан солиштиришди. Маълум бўлишича, Қуёш фаоллиги маълум бир даражага етганда, чиқиндиларнинг орбитадан чиқиб кетиш жараёни сезиларли даражада тезлашади.
Қуёш фаоллиги юқори бўлган даврларда ишлаётган сунъий йўлдошлар ўз орбитасини сақлаб қолиш учун кўпроқ ёқилғи сарфлашга мажбур бўлади. Бироқ космик чиқиндилар учун бу жараён ижобий аҳамиятга ега: улар атмосферада тезроқ ёниб кетади ва орбитани тарк етади. Муаллифлар бу ҳодиса космик обектларнинг ишлаш муддатини ва тўқнашув хавфини баҳолашда муҳим аҳамиятга ега еканлигини таъкидлашмоқда.
Ҳозирги кунда Ер атрофида 130 миллионгача бўлган турли ўлчамдаги чиқиндилар, жумладан, ишдан чиққан сунъий йўлдошлар ва авариялар натижасида қолган майда бўлаклар мавжуд. Ушбу муаммо космик фазони ўзлаштиришда тобора жиддий тус олмоқда.
“Zamin”ни Telegram'да ўқинг!
