Chelsi himoyachisi Wesley Fofana kutilmaganda Barselona klubiga taklif qilindi. Kataloniyaliklar jamoasi himoya chizig‘ini kuchaytirish maqsadida fransiyalik futbolchi bilan bog‘liq vaziyatni diqqat bilan o‘rganmoqda. Bu haqda Goal.com xabar beradi.
Sky Sport Switzerland xabariga ko‘ra, futbolchining vakillari Barselona sport direktori Deco bilan bir necha bor muzokara o‘tkazgan. Chelsi klubi moliyaviy talablarni muvozanatlashtirish uchun 25 yoshli himoyachini 30 million yevro evaziga qo‘yib yuborishga tayyor.
Biroq, Barselona klubining moliyaviy ahvoli transferni amalga oshirishda asosiy to‘siq bo‘lib turibdi. Kataloniyaliklar futbolchini sotib olishdan ko‘ra, dastlab ijaraga olish va kelgusida sotib olish huquqini saqlab qolish variantini ma’qul ko‘rmoqda.
Wesley Fofana joriy mavsumda Chelsi safida 34 ta o‘yinda maydonga tushib, 2 ta golli uzatmani amalga oshirdi. Futbolchi bilan Italiya A seriyasi klublari ham qiziqmoqda, shu sababli Barselona tezroq qaror qabul qilishi talab etiladi.
“Zamin”ni Telegramʻda oʻqing!
