Аурора Инноватион компанияси йирик логистика гиганти МcЛане билан ҳамкорликда Техас штатида ҳайдовчисиз юк машиналари ёрдамида юк ташишни бошлади. Кўп йиллик синов дастурларидан сўнг, томонлар тижорий келишувга эришдилар, унга кўра Даллас ва Хюстон шаҳарлари ўртасида товарлар автоном тарзда етказиб берилади. Бу ҳақда Techcrunch.com хабар беради.
Ушбу юк машиналари тўлиқ автоном режимда ҳаракатланса-да, Паccар ишлаб чиқарувчиси билан тузилган келишувга кўра, кабинада транспорт воситасини бошқармайдиган, фақат кузатувчи вазифасини бажарувчи мутахассис бўлади. Аурора йил охиригача ушбу хизматни АҚШнинг жанубий ҳудудларидаги бошқа тақсимот марказларига ҳам кенгайтиришни режалаштирмоқда.
Компаниялар 2023-йилда бошланган синов жараёнида дастлаб хавфсизлик операторлари иштирокида ишлаган бўлса, ҳозирда ҳафтасига етти кун давомида ҳайдовчисиз режимга ўтишди. Янги тизимга кўра, Аурора юк машиналари магистрал йўллардаги узоқ масофали қатновни амалга оширади, сўнгра юклар маҳаллий етказиб бериш учун МcЛане ҳайдовчиларига топширилади.
Ушбу шартнома Аурора учун муҳим қадам бўлиб, компания ўз технологиясини тижоратлаштириш ва даромад келтирувчи операторга айланиш йўлида фаол иш олиб бормоқда. Аввалроқ Детмар Логистиcс ва Ҳирсчбач Мотор Линес каби компаниялар билан ҳам шартномалар имзоланган эди.
“Zamin”ни Telegram'да ўқинг!
