Android’дан Android’га контактларни ўтказиш

Янги Android-смартфон харид қилгач, унга эскисидаги контактларни кўчириб ўтказиш керак бўлади. Terabayt.uz сайти қуйида шу ишни тез ва осон амалга ошириш усулларини маълум қилди.

1. Google аккаунти
Контактларни кўчириб ўтказиш учун бизга Google аккаунтимиз керак бўлади; одатда у қурилмани илк ёққанимизда яратилган бўлади. Эски смартфонда аккаунтимизга улангач, ундаги контактларни синхронлаш (синхронизация контактов) лозим. Бунинг учун дастлаб ундаги «Созламалар», яъни «Настройки»га кирамиз.

2. Аккаунтни излаймиз
Созламалар рўйхатидан «Аккаунты»ни босамиз.

3. Аккаунтлар кўп бўлиши мумкин
Бу ерда сизнинг мазкур смартфондан фойдаланишингиз жараёнида яратилган турли аккаунтларингиз акс эттирилади, улар орасидан Google аккаунтга кириш лозим.

4. Ўз аккаунтимизни танлаймиз
Қурилмани харид қилгач, илк бор ёққанимизда очилган ўз аккаунтимиз устига босамиз.

5. Синхронизацияни ёқамиз
Энди «Контакты» бандининг рўпарасига белги қўямиз.

6. Янги смартфонда ҳам…
Олдинги қурилмангиздаги контактларни юқорида кўрсатилган тартибда синхронлаганимизда, улар Google «булутли» серверида сақланаётган аккаунтимизга кўчирилади ва унда сақланади. Энди худди шу амалларни янги смартфонда ҳам такрорлаймиз, шунда сервердаги аккаунтимиздаги барча контактлар унга кўчади.

Эслатиб ўтамиз, аккаунтларни синхронлаш интернет воситасида амалга оширилади. “Замин” янгиликларини “Facebook”да кузатиб боринг