Microsoft дунёдаги энг йирик маълумотлар марказини ишга туширди
Microsoft компанияси АҚШнинг Висконсин штатида сунъий интеллект учун мўлжалланган дунёдаги энг йирик "Fairwater" маълумотлар марказини муддатидан аввал ишга туширди. Майдони 1,3 миллион квадрат метрни эгаллаган ушбу мажмуа юз минглаб энг замонавий Nvidia Blackwell график процессорларини бирлаштирган ягона улкан суперкомпьютер сифатида лойиҳалаштирилган. Янги марказ ҳозирги энг тезкор суперкомпьютерлардан 10 баробар юқори унумдорликка эга бўлиб, сунъий интеллект моделларини ўқитиш ва қайта ишлашда катта бурилиш ясаши кутилмоқда.
"Microsoft" компанияси режалаштирилган муддатдан аввал сунъий интеллект (SI) учун мўлжалланган дунёдаги энг йирик маълумотлар марказини ишга туширди. АҚШнинг Висконсин штатида жойлашган "Фаирwатер" объекти SI моделларини ўқитиш ва йирик иловаларни ишга тушириш учун махсус қурилган ноёб мажмуа ҳисобланади. Бу ҳақда Ixbt.com хабар беради.
Янги объект қарийб 1,3 млн квадрат метр майдонни эгаллаган. Қурилиш жараёнида 74,5 км пойдевор қозиқлари, 13 000 тонна конструктив пўлат ва 200 км дан ортиқ электр кабели сарфланди. Оддий булутли марказлардан фарқли ўлароқ, ушбу мажмуа юз минглаб энг сўнгги "Nvidia Блаcкwелл" график протсессорларини бирлаштирган ягона улкан суперкомпютер сифатида лойиҳалаштирилган.
Компания маълумотларига кўра, ушбу марказ бугунги кунда дунёдаги энг тезкор суперкомпютердан 10 баробар юқори унумдорликни таъминлайди. Бу SI маълумотларини ўқитиш ва қайта ишлаш вазифаларини мисли кўрилмаган даражага олиб чиқиш имконини беради. Гарчи аниқ рақамлар очиқланмаган бўлса-да, юз минглаб "Блаcкwелл" тезлаткичларининг қўлланилиши соҳада катта бурилиш ясаши кутилмоқда.
Изоҳлар 0
…