Германияда биноларга мослашувчи ShadeCut қуёш панеллари намойиш этилди

Германиянинг Фраунҳофер қуёш энергетикаси тизимлари институти (Фраунҳофер ISE) мутахассислари ShadeCut технологиясини тақдим этди. Ушбу ишланма қуёш панелларини алоҳида техник ускуна эмас, балки бинонинг ажралмас қисми сифатида кўринишига имкон беради. Бу ҳақда Ixbt.com хабар беради.

Янги усул ёрдамида қуёш модуллари юзасига мураккаб визуал тасвирлар, жумладан, ғиштли терим ёки черепитса кўринишини тушириш мумкин. Бунда панелларнинг энергия самарадорлиги юқори даражада сақланиб қолади.

ShadeCut технологияси ёруғликни бошқарувчи микроструктураларга асосланган MorphoColor тизими ёрдамида ишлайди. Ишлаб чиқувчиларнинг сўзларига кўра, бундай панеллар оддий модулларга нисбатан 95 фоиз қувватни сақлаб қолади.

Ушбу технология айниқса тарихий бинолар, фасадлар ва томлар учун жуда мос келади. Эстетик кўриниш муҳим бўлган лойиҳаларда ShadeCut панеллари бинонинг умумий дизайнига тўлиқ мослашиб кетади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг