Снап компаниясининг 20 нафарга яқин собиқ ходимлари ижтимоий тармоқларнинг янги авлодини қўллаб-қувватлаш мақсадида Гҳост Ангелс деб номланган инвестиция фондини ташкил этишди. Фонд ҳозирча жалб қилинган маблағ миқдорини очиқламади, бироқ аллақачон бешта компанияга сармоя киритгани ва келгуси йил давомида яна камида 15 та лойиҳани молиялаштиришни режалаштираётганини маълум қилди. Бу ҳақда Techcrunch.com хабар беради.
Фондга 2025-йилда Снап компаниясининг глобал ҳамкорлик бўлими собиқ раҳбари Max Ривера асос солди. Ҳозирда Microsoft AI лабораториясида фаолият юритаётган Ривера ушбу лойиҳа орқали Снап битирувчилари орасидаги фаришта-инвесторлар ҳамжамиятини расмийлаштиришни мақсад қилган. Фонд таркибида Снап корпоратив акселератори раҳбари Александра Левитт ва маҳсулот дизайни жамоаси асосчиларидан бири Вилл Ву каби тажрибали мутахассислар бор.
Гҳост Ангелс асосан ижтимоий медиа ва истеъмол бозорида AI технологияларини жорий этаётган пре-сеед ва сеед босқичидаги стартапларга эътибор қаратади. Max Ривера TechCrunch нашрига берган интервюсида бугунги кунда ижтимоий тармоқлар тушунчаси ўзгараётганини, фойдаланувчилар реклама ва алгоритмларга асосланган платформалардан кўра, ҳақиқий инсоний мулоқотни таъминловчи лойиҳаларни афзал кўраётганини таъкидлади.
Риверанинг сўзларига кўра, янги авлод стартаплари фақат реклама орқали даромад олишдан воз кечиб, обуна, токенлар ва натижага асосланган монетизация моделларига ўтмоқда. Фонд мусиқа, гейминг, спорт ва мода каби соҳаларда контент яратиш ҳамда тарқатиш тўсиқларини камайтирадиган AI-нативе форматларни қўллаб-қувватлашни ўз олдига мақсад қилиб қўйган.
“Zamin”ни Telegram'да ўқинг!
