Таниқли инсайдер Соннй Дикксон iPhone 18 Pro моделларининг макетлари акс этган янги суратларни эълон қилди. Тасвирларда Apple компаниясининг бўлажак флагманлари тўртта рангда намойиш этилган: кумушранг, қора, мовий ва бутунлай янги тўқ олча (Дарк Черрй) туслари. Инсайдернинг таъкидлашича, айнан ушбу чуқур тўқ олча ранги iPhone 18 Pro сериясининг асосий визуал ўзига хослиги бўлади. Бу ҳақда Ixbt.com хабар беради.
Маълумотларга кўра, iPhone 18 Pro ва iPhone 18 Pro Max тақдимоти 2026-йилнинг сентябрь ойига режалаштирилган. Қурилмалар корпуси яхлит алюминий қотишмасидан ишланиши ва камера соҳасида Серамик Шиелд ҳимоя қатлами билан қопланиши кутилмоқда. Шунингдек, янги смартфонлар бироз қалинлашиши мумкин: iPhone 18 Pro Max қалинлиги камера бўртиғи билан бирга 13,77 мм ни ташкил этиши айтилмоқда, бу эса ўз навбатида янада массив фото-модул ва такомиллашган оптикадан далолат беради.
Техник жиҳатдан iPhone 18 Pro серияси TSMC компаниясининг 2 нанометрли технологик жараёнига асосланган илк А20 Pro чипи билан жиҳозланиши кутилмоқда. Бу смартфонларнинг унумдорлиги ва энергия самарадорлигини янги босқичга олиб чиқади.
Эслатиб ўтамиз, Соннй Дикксон аввал ҳам iPhone 12, iPhone 13, Apple Ҳомепод, iPhone 15 ва iPhone 17 каби қурилмаларнинг дизайнини расмий премерадан анча олдин аниқ башорат қилган ишончли манба ҳисобланади.
“Zamin”ни Telegram'да ўқинг!
