Intel компанияси портатив ўйин консоллари учун махсус ишлаб чиқилган Арк Г3 сериясидаги янги процессорларини расман намойиш қилди. Мазкур линиядан ҳозирча иккита модел ўрин олган: Арк Г3 ва Арк Г3 Эхтреме. Техник жиҳатдан ушбу чиплар Пантер Лаке архитектурасига асосланган бўлиб, фақат конфигурация жиҳатидан бироз фарқланади. Бу ҳақда Ixbt.com хабар беради.
Ҳар иккала процессор ҳам 14 та ядрога (2+8+4) эга. Асосий фарқ график қисмида намоён бўлади: кичик модел 10 та Хе3 ядроли Арк Б370 график чипи билан жиҳозланган бўлса, юқори версия 12 та ядроли Арк Б390 иGPU билан таъминланган. Дастлабки маълумотларга кўра, Арк Б390 унумдорлик борасида Ryzen З2 Эхтреме таркибидаги Radeon 890М график чипидан сезиларли даражада устунлик қилади.
Янги чиплар Intel 18А технологик жараёни асосида ишлаб чиқарилган бўлиб, кадрлар генерациясини қўллаб-қувватловчи XeSS 3 технологияси, Wi-Fi 7 ва Тундерболт 4 интерфейсларига эга. Бу эса портатив қурилмаларда юқори тезликдаги маълумот алмашинуви ва сифатли тасвирни таъминлайди.
Intel ҳамкорлари ўзларининг янги ишланмаларини Компутех 2026 кўргазмасида намойиш этишни режалаштирмоқда. Янги процессорлар базасидаги илк қурилмалар — Acer Предатор Atlas 8, МСИ Клав 8 ЭХ AI+ ва ОнеХПлаер 3 жорий йилнинг июн ойида сотувга чиқиши кутилмоқда. Ҳозирча ушбу юқори унумдорликка эга консолларнинг нархи қанча бўлиши очиқланмаган.
“Zamin”ни Telegram'да ўқинг!
