Барселона трансфер бозоридаги фаоллигини давом эттирмоқда. Испания клуби раҳбарияти ҳимоя чизиғини кучайтириш мақсадида айни дамда Арсенал сафида тўп сураётган Piеро Ҳинкапие номзодини кўриб чиқмоқда. Даилй Маил нашрининг хабар беришича, каталонияликлар 24 ёшли ҳимоячини Лондондан олиб кетиш қийин бўлишини билсалар-да, трансфер борасида сўров юборишни режалаштиришган. Бу ҳақда Goal.com хабар беради.
Ҳинкапие ҳозирда Баер Леверкусен клубидан Арсенал сафига ижарага берилган. Бироқ шартномада маълум шартлар бажарилганда кучга кирадиган мажбурий сотиб олиш банди мавжуд. Кутилишича, Арсенал тез орада 52 миллион евро тўлаб, эквадорлик футболчи билан беш йиллик шартнома имзолайди. Ҳинкапие Микел Артета жамоасининг муҳим бўлагига айланган ва ҳатто Будапештда PSJга қарши ўтадиган Чемпионлар лигаси финали учун асосий таркибдан жой олган.
Барселона аллақачон ёзги трансфер кампаниясини бошлаб юборган. Жамоа Нюкасл Унитед ҳужумчиси Антонй Гордон трансферини ҳал қилди, шунингдек, Хулиан Альварес ва Бернардо Силва каби юлдузлар ҳам таркибга қўшилиши кутилмоқда. Sport директори Деко клубнинг молиявий қийинчиликларига қарамай, камида битта марказий ҳимоячи сотиб олишни мақсад қилган.
Интер ҳимоячиси Алессандро Бастони билан боғлиқ музокаралар тўхтаб қолганидан сўнг, Ҳинкапие асосий нишонга айланди. Чап оёқда яхши ўйнайдиган ва қанотда ҳам ҳаракат қила оладиган ҳимоячи Барселона талабларига тўлиқ жавоб беради. У ўтган мавсумда Хаби Алонсо қўл остида Баер Леверкусен билан Бундеслига ва Германия кубогида ғолиб чиқиб, ўз маҳоратини юқори даражада намойиш этган эди.
“Zamin”ни Telegram'да ўқинг!
