O‘zbekiston Birinchi prezidentining kenja qizi bir oydan ortiq davom etgan tanaffusdan so‘ng Feysbukdagi akkauntida post elon qildi. Lola Karimova-Tillaeva bu safar "Tomchi" nomli eko art loyihasi to‘g‘risida so‘z yuritgan. U jamoatchilikni global isish va iqlim o‘zgarishi masalalaridan xabardor qilish maqsadida san’at kuchidan foydalanishga ahd qildi
"Droplet" ("Tomchi") nomli eko art loyihamizni e’tiboringizga havola etaman, deb yozgan o‘zining Feysbukdagi akkauntida Lola Karimova-Tillaeva.
Suv resurslarini qanday ishlatamiz? Global isish yaqin kelajakda insonlar hayotiga qanday ta’sir ko‘rsatadi? Suv resurslari bilan bog‘liq bo‘lgan masalalarga yondashuvni qanday qilib o‘zgartirish mumkin?
Loyihamiz bugun insoniyat oldida turgan dolzarb masalalarni namoyish etish uchun bir maydon vazifasini o‘taydi.
"Garmonist" brendining falsafasi suv, er, yog‘och, ma’dan va olov kabi besh tabiat unsurlarini o‘rganish, asrash va himoya qilishga asoslangan. "Garmonist" tabiatni asrash maqsadida insoniyat sog‘lom hayot kechirishining asosini tashkil etuvchi mazkur besh unsurni saqlashga va asrashga bag‘ishlangan o‘n yillik loyihani boshlaydi.
Suv hayot manbaidir. Inson tanasi 60% suvdan iborat bo‘lib, hayotimizni suvsiz tasavvur qilib bo‘lmaydi. Inson har bir ichki a’zosining faoliyatida suv muhim o‘rin egallaydi. Sayyoramiz ekosistemasida suv manbalarining o‘rni beqiyosdir.
Rassom Markus Lyutens bilan hamkorlikda yaratilgan mazkur art-ob’ekt tomchi ko‘rinishidagi metal konstruksiyasidan iborat.
Installyasiyaning interaktivligi shundaki, unda suvning tovushi, ifori va taftini his etish mumkin. Shuningdek, unda global isishning ta’siri haqida ma’lumot beriladi.
Jamoatchilikni global isish va iqlim o‘zgarishi masalalaridan xabardor qilish maqsadida san’at kuchidan foydalanishga ahd qildik.
Binobarin, san’at insonlarga ilhom bahsh etib, ularni muayyan maqsad atrofida birlashtira oladi.
"Droplet" loyihasini taqdim etar ekanmiz, suv resurslarining etishmovchiligi va ularni asrash borasidagi dunyo hamjamiyatining havotiriga sherikligimizni bildiramiz.
Loyihamiz haqida sizni muntazam ravishda xabardor qilib boramiz", — deb yozgan Lola Karimova.
Manba: Dia.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi