Yaqinda Nyu-York shahar meri etib saylangan Zohron Mamdani AQSh prezidenti Donald Tramp bilan ilk bor Oq uyning Oval kabinetida uchrashdi. New York Post xabariga ko'ra, uchrashuv kutilganidan farqli ravishda iliq va konstruktiv muhitda o'tdi.
Bu ayniqsa muhim, chunki ilgari har ikki siyosatchi bir-birini keskin tanqid qilgan edi. BBCning yozishicha, Tramp o'zini iltifotli tutdi va Oq uy yangi shaharlik rahbarga yordam berishga tayyor ekanini ta'kidladi.
"Biz unga yordam beramiz", dedi prezident. "Biz Mamdani bilan o'ylaganimdan ham ko'proq masalada fikrimiz bir ekanini tushundim.
Bizning umumiy maqsadimiz bor: ikkovimiz ham sevgan shahrimiz uchun ulkan muvaffaqiyatlar tilaymiz", deya qo'shimcha qildi u. Mamdani esa davlat rahbarining muloqotga tayyorligini qadrlashini bildirdi.
"Men uchrashuv davomida biz farqlarimizni emas, balki Nyu-York aholisi uchun xizmat qilish kabi umumiy maqsadimizni muhokama qilganimizdan minnatdorman", dedi u. Demokratik partiya vakili va o'zini demokratik sotsialist deb e'lon qilgan Mamdanining g'alabasi kutilmagan voqea bo'ldi.
Tramp saylovlardan oldin unga qarshi ovoz berishga chaqirgan va uning saylanishi federal moliyalashtirishga ta'sir ko'rsatishi mumkinligi haqida ogohlantirgan edi. Ilgari bir-biriga nisbatan keskin bayonotlar bilan chiqqan siyosatchilar, Masalan, Tramp Mamdanini "kommunist" deb atagan, Mamdani esa Trampni "despot" va "fashist" deb tanqid qilgan edi.
Shunga qaramay, ularning ilk uchrashuvi kutilmaganda tinch va hamkorlikka tayyorlik bilan o'tdi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
