12:45 / 23.11.2015
5 567

Uyining deraza va eshiklaridagi teshiklar yong‘oqlarga to‘ldirilgan odam haqida (foto)

Uyining deraza va eshiklaridagi teshiklar yong‘oqlarga to‘ldirilgan odam haqida (foto)

Uy egasi bir kuni tashqariga chiqib, ko‘zlariga ishonmadi — uyning hamma deraza va eshiklari tashqari tomondan teshib tashlangan, teshiklarning ichi esa cho‘chqayong‘oqlarga to‘ldirilgan edi, deb yozadi «Interesno».

Bunday manzarada xayolga birinchi bo‘lib shunday fikr keladi: qaysidir bezorilar to‘dasi ko‘ngilxushlik maqsadida uyni yong‘oq bilan o‘qlangan quroldan nishonga olgan.

Ma’lum bo‘lishicha, bu ish cho‘chqayong‘oqxo‘r qizilishtonlar tomonidan amalga oshirilgan — ular uyni o‘z yong‘oqlari uchun ombor sifatida tanlagan.

Chumolixo‘r qizilishton nomi bilan ham tanilgan bu qush o‘z yong‘oqlarini o‘zi teshgan teshiklarga yashirishni ma’qul ko‘radi.

Uyning orqa tomoni xuddi biror quroldan otilgandek, shunday teshiklarga to‘lib ketgandi.

Aftidan, qizilishtonlar to‘dasi sintetik saydingni daraxt deb o‘ylagan va unda teshik ochish osonligini fahmlab, uy deraza va eshiklarini omborga aylantirishga qaror qilgan.

Bu «ko‘rgulik»ning yaxshi tomoni ham bor — o‘z yong‘oqlarini himoya qilish yo‘lida qizilishtonlar boshqa qushlarni endi bu uyga yaqinlashtirmaydi.


Manba: Daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Uyining deraza va eshiklaridagi teshiklar yong‘oqlarga to‘ldirilgan odam haqida (foto)