Ukraina va AQSh foydali qazilmalar bo‘yicha memorandum imzoladi

Ukraina va AQSh foydali qazilmalar sohasida kelishuv tuzish niyatini tasdiqlovchi memorandum imzoladi, deb interfax.ru xabar berdi.

Bu haqda Ukraina birinchi vitse-premyeri, iqtisodiyot vaziri Yuliya Sviridenko ma’lum qildi. U bu hujjatni ikki davlat o‘rtasidagi iqtisodiy sheriklik uchun muhim qadam deb atadi.

Sviridenkoga ko‘ra, hozirda kelishuv matni ustida ish olib borilmoqda, keyin u imzolanib, har ikki davlat parlamenti tomonidan ratifikatsiya qilinadi.

Avvalroq AQSh prezidenti Donald Tramp mazkur kelishuv 24-aprel kuni imzolanadi, deb e’lon qilgan edi. Mart oyidagi muzokaralarda tomonlar kelisha olmagan va bahs kuchaygan edi. “Zamin”ni Telegramʻda oʻqing!