Apple iPhone ishlab chiqarishni Braziliyaga o‘tkazmoqda

Apple iPhone 16e modelini rasman Braziliyada yig‘ishni boshladi, deb pepelac.news xabar berdi. Bu kompaniyaning ishlab chiqarishni Xitoydan boshqa mamlakatlarga ko‘chirish strategiyasining bir qismi hisoblanadi.

Avval yangi modellarning mahalliy yig‘ilishi kechikkan holda boshlanardi, hozir esa sotuvning ilk kunlaridayoq mahalliy ishlab chiqarish yo‘lga qo‘yildi. Qutilarda “Assembled in Brazil — Brazilian Industry” degan yozuv va “BR/A” kodli modellar paydo bo‘ldi.

Anatel regulyatoriga ko‘ra, hozir iPhone 16e Xitoy, Hindiston va Braziliyada yig‘ilmoqda. Braziliyada uning rasmiy narxi $890 bo‘lsa ham, bozorga $670 ga tushgan — bu bojxona imtiyozlari bilan bog‘liq.

Apple AQSh va Xitoy o‘rtasidagi tarif tahdidlarini inobatga olib, ishlab chiqarishni Boshqa mintaqalarga ko‘chirmoqda. Foxconn bilan hamkorlikda Braziliyadagi quvvatlar kengaytirilmoqda. “Zamin”ni Telegramʻda oʻqing!