RTX 5060 Ti 8GB sinovlarda muvaffaqiyatsiz chiqdi

NVIDIA’ning yangi GeForce RTX 5060 Ti 8GB grafik kartasi testlarda zaif natijalar ko‘rsatdi, deb pepelac.news xabar berdi.

16GB versiyasi bilan solishtirganda, 8GB model o‘rtacha va minimal FPS bo‘yicha 22–30% orqada qolgan. Ayniqsa, Cyberpunk 2077’da 4X Frame Generation yoqilganda farq aniq: 113 FPS (16GB) va 92,4 FPS (8GB).

Horizon Zero Dawn Remastered kabi VRAMga talab yuqori bo‘lgan o‘yinlarda ham 1080p da 29% gacha farq aniqlangan. Bu esa o‘yin silliqligini sezilarli darajada pasaytiradi.

Kam resurs talab qiladigan Assassin’s Creed: Shadows o‘yinida esa farq minimal bo‘lgan. Lekin bugungi o‘yinlar 12–16GB talab qilayotgan bir vaqtda, 8GB kartaning imkoniyati yetarli emas. “Zamin”ni Telegramʻda oʻqing!