19:34 / 25.11.2015
7 879

Chikagolik polisiyachi qora tanli o‘smirning qotilligida ayblandi

Chikagolik polisiyachi qora tanli o‘smirning qotilligida ayblandi

AQShda 17 yoshli qora tanli o‘smir Lakuan Makdonaldni otib o‘ldirgan chikagolik polisiyachiga nisbatan ayblov e’lon qilindi. Bu haqda Meduza xabar beradi.

Polisiya xodimi Jeyson Van Daykka birinchi darajali qotillik aybi qo‘yildi. Bu xizmat vazifasini bajarish davomida sodir etilgan qotillikda ayblangan birinchi chikagolik polisiyachidir.

Chikago hukumati qotillik sodir etilgan paytni qayd etgan kuzatuv kamerasi videoyozuvini ommaga havola etgandan bir necha soat o‘tib, ayblov e’lon qilindi.

Videoyozuvda ofiserning yo‘l o‘rtasida ketayotgan o‘smirga qarata o‘t ochganligini ko‘rish mumkin. Yaralangan o‘smir erga qulagandan so‘ng, polisiya xodimi unga qarata yana bir nechta o‘q uzgan. Polisiya xodimlaridan hech biri o‘smirga yordam ko‘rsatishga urinmagan.

Lakuan Makdonald 2014 yilning 20 oktyabrida o‘ldirilgan edi.


Manba: Daryo.uz


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Chikagolik polisiyachi qora tanli o‘smirning qotilligida ayblandi