Rossiyaning Ryazan viloyatidagi Yelatma aholi yashash maskanidagi ko‘p qavatli uylardan birining pod’ezdida besh kishi otib tashlandi. Ulardan biri ayol kishi bo‘lgan.
Xabar qilinishicha, 4 aprel, tungi soat 22.00da ko‘p qavatli uyning oldida bir guruh yoshlar to‘planib, qattiq shovqin ko‘targan. Ularga shu uyda yashovchi 32 yoshli shaxs tanbeh berib, shovqin tufayli farzandi uxlay olmayotganini aytgan.
Ikki o‘rtada boshlangan dahanaki jang kuchaya boshlagach, tomonlardan biri pod’ezdda gaplashib olishni taklif qiladi. Ko‘p qavatli uyda yashovchi shaxs bunga rozi bo‘ladi va pod’ezdga o‘zi bilan birga ov miltig‘ini olib chiqib, to‘rt erkak hamda bir ayolni otib tashlaydi. Vafot etganlar 22 yoshdan 31 yoshgacha bo‘lgani aytilmoqda.
Xabar qilinishicha, qotillik sodir etgan shaxs ruhiy xastaliklar shifoxonasida ishlagan. U o‘q uzgan ov qurolining hujjatlari borligi ma’lum qilindi.
Jinoyat sodir etilgan vaqtda gumonlanuvchining rafiqasi yuvinish xonasida bo‘lgani va faqat «g‘alati paqillagan ovozlarni» eshitganini bildirib o‘tdi. Politsiyani esa voqea shohidi bo‘lgan qo‘shnilardan biri chaqirgan.
Ta’kidlash joiz, Ryazan viloyatida 30 martdan buyon «o‘zini yakkalash» rejimi mavjud bo‘lib, aholi sutka davomida o‘z yashash joyidan bemaqsad chiqmasligi lozim. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Toshkentda 02 kodli avtoraqamlar taxminan qachon paydo bo‘lishi aytildi
Lukashenko G‘arbga tahdid bilan chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
