Foto: «Yandex.ru»
Koronavirusning alomatsiz tashuvchilari aksar hollarda yuqumli bo‘ladi, shu bois ularga ham alohida e’tibor qaratish kerak, deydi XXR sog‘liqni saqlash masalalari bo‘yicha davlat qo‘mitasi maxsus ekspert komissiyasi rahbari, yetakchi epidemiolog Chjun Nanshan.
«Xitoy chetdan kelayotgan COVID-19 ning, ayniqsa, alomatsiz holatlariga jiddiy ahamiyat bermoqda», — deydi Chjun Nanshan Janubiy Koreyadagi hamkasblari bilan o‘tkazilgan onlayn-konsultatsiya chog‘ida.
Uning so‘zlariga ko‘ra, belgisiz tashuvchilar osmondan tushgani yo‘q. Ular asosan koronavirusga chalingan bemorlar bilan aloqada bo‘lgan yoki epidemiologik vaziyat og‘ir hisoblangan hududlardan kelishgan.
«Bunday odamlar virus tashuvchisi sanaladi va ularning aksariyati yuqumlidir», — deydi epidemiolog.
«RIA Novosti»ning yozishicha, Xitoy 1 apreldan alomatsiz tashuvchilar umumiy statistikaga kiritilmayotganidan xavotirga tushgan keng jamoatchilik bosimi ostida koronavirusning belgisiz holatlari haqida ma’lumotlar chop eta boshladi.
Oxirgi kunlarda Xitoyda 47 ta shunday holat aniqlangan bo‘lib, ulardan 14 nafari chetdan kirib kelgan.
Xabarlarga ko‘ra, o‘tgan bir kecha-kunduzda koronavirusga topshirilgan test natijalari musbat chiqqaniga qaramay, kasallikka xos alomatlar kuzatilmagani uchun 40 kishi karantindan chiqarilgan. Ayni vaqtda alomatlari bo‘lmagan, lekin kasallikka chalingan yana 1097 nafar kishi tibbiy kuzatuv ostida qolmoqda. O‘tgan bir kecha-kunduzda 14 kishi alomatsiz holatdan tasdiqlanganlar safiga kiritilgan.
Hukumat sal avvalroq laboratoriya test natijalari musbat chiqqan, lekin xastalikning klinik alomatlari bo‘lmagan bemorlarni koronavirusga chalinganligi tasdiqlanganlar orasiga qo‘shmasligi, chunki ular kasallikni tarqatmasligini ma’lum qilgandi. Ekspertlar fikricha, infeksiya yuqishiga asoslanilganda, koronavirusni yuqtirgan alomatsiz bemorlar ham patogen ajratishi mumkin. Faqat ularda yo‘tal va aksirish kabi belgilar yo‘qligi bois tanadan patogen ajralishi va infeksiyaning tarqalish ehtimoli kam bo‘ladi.
Shunga qaramay, dardi alomatsiz kechayotgan bemorlar ham 14 kunga karantinga joylanishi zarur, chunki ular baribir boshqalarga virusni yuqtirishi mumkin, deydi mutaxassis. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
