Foto: AP Photo
Amazon asoschisi va dunyoning eng badavlat kishisi Jeff Bezos atrof-muhitni muhofaza qilishga 791 million dollar xayriya qildi, deb xabar bermoqda «RBK». Bu haqda u Instagram’da ma’lum qilgan.
Ushbu mablag‘lar milliarder tomonidan tuzilgan «Bezosning Yer fondi» jamg‘armasi iqlim o‘zgarishlariga qarshi kurashuvchi 16 ta tashkilotga ajratilgan. Bezosning so‘zlariga ko‘ra, birinchi tashkilotlar 2020 yilning fevral oyida tashkil etilgan fonddan grant olgan.
«Bugun men Bezos Land Foundation’ning birinchi qabul qiluvchilari — innovatsion, ambisiyali va dinamik yechimlar ustida ishlaydigan 16 ta tashkilot haqida e’lon qilishdan mamnunman», — deb yozgan u.
Bezosning so‘zlariga ko‘ra, ushbu mablag‘larni ajratish Yer kelajagini himoya qiladigan olimlar, faollar, nodavlat tashkilotlarni moliyalashtirishning boshlanishi xolos. Grant olgan tashkilotlar orasida Dunyo resurslari instituti, Jahon yovvoyi tabiat jamg‘armasi (WWF), Iqlim va sof energiya sohasidagi adolat jamg‘armasi, ClimateWorks Foundation jamg‘armasi, o‘rmonlarni tiklash loyihalari Eden, Atrof-muhitni muhofaza qilish jamg‘armasi, Tabiiy resurslar muhofazasi bo‘yicha kengash, Qoyali tog‘lar instituti, Solk biologik tadqiqotlar instituti va boshqa tashkilotlar bor.
Bezos 2020 yil fevralida «Bezosning Yer jamg‘armasi» tashkil etilishini e’lon qilishi vaqtida unga 10 milliard dollar ajratishini ma’lum qilgandi. Uning so‘zlariga ko‘ra, iqlim o‘zgarishi sayyora uchun eng katta tahdid hisoblanadi.
Iyul oyida ajrashganidan keyin dunyodagi eng boy ayolga aylangan Bezosning sobiq rafiqasi Makkenzi Skott xayriya tashkilotlarga 1,7 milliard dollar ajratgan. Mablag‘lar 116 tashkilot o‘rtasida taqsimlangan. 586 million dollar irqiy tengsizlikka qarshi kurashish uchun, 400 million dollar — iqtisodiy harakatchanlikni targ‘ib qiluvchi tashkilotlarga, 133 million dollar — gender tengligini qo‘llab-quvvatlovchi nodavlat tashkilotlarga ajratilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi