Salatlarni tashqi ko‘rinish hamda salomatlik uchun yanada foydali qiluvchi 5 ta mahsulot

^{Foto: «Domashniy ochag»}
Ortiqcha vazn tashlashning eng samarali usuli bu – ko‘proq salat iste’mol qilishdir. Ammo salat tanovul qilish nafaqat qomatni yaxshilashda, balki salomatlik borasida ham foydali bo‘lishi uchun ham quyidagi oddiy qoidalarga amal qilish tavsiya etiladi.

Yog‘ qo‘shilgan salatlardan voz kechmagan ma’qul
Odatda sabzavot va ko‘katlardagi vitamin va foydali moddalar yog‘da eriydi. Shuning uchun salat tayyorlashda yog‘dan foydalanish zarur, aks holda ular kutgan natijani bermaydi. Bundan tashqari, o‘simliklarga asoslangan to‘yinmagan yog‘li kislotalar qon tomirlari va yurakka ijobiy ta’sir o‘tkazadi. Shuningdek, qondagi qand miqdorini nazorat qilishga yordam beradi. Mutaxassislar salatga ikki osh qoshiq yog‘ va birozgina sirka qo‘shishni juda samarali deb hisoblaydi.

Ko‘katlar qo‘shishni unutmaslik lozim
Rayhon, petrushka, kinza, ismaloq va salat bargi turli xil kasalliklarga qarshi kurashishda yordam beradigan foydali antioksidantlarga boy. Shuningdek, ko‘katlarning yoqimli ta’mi tufayli salatlarni foydasizga chiqaruvchi yoki ortiqcha kaloriyaga ega mahsulot qo‘shishga hojat qolmaydi.

^{Foto: «Domashniy ochag»}
Oqsillardan unumli foydalanish kerak
Yong‘oq, pista, pishloq, baliq va tovuq go‘shti salatni nafaqat mazali qiladi, balki uzoq vaqtgacha organizmda to‘qlik hisini beradi. Eng muhimi, ularni belgilangan miqdorda iste’mol qilish zarur.

Turli xil meva va sabzavotlar ham qo‘shish foydali
Salat tarkibida qancha ko‘p meva va sabzavotlar bo‘lsa, ular shuncha foydali sanaladi. Sababi ularning tarkibida ko‘plab vitamin va minerallar mavjud. Sabzi, bodring, bulg‘ori qalampiri, brokkoli, no‘xat, qulupnay, malina va nok – ushbu mahsulotlardan iloji boricha tez tez salatlar tayyorlab turish tavsiya etiladi.

^{Foto: «Domashniy ochag»}
Quritilgan nonlarni rad etgan afzal
Quritilgan non bo‘laklari ko‘plab mazali salatlarning tarkibiy qismi hisoblanadi, ammo ular deyarli foydali emas. Odatda ularning tarkibida yengil uglevodlar juda ko‘p, ozuqaviy moddalar esa aksincha. Shuningdek, ularning tarkibidagi glikemik indeksning yuqoriligi tufayli qonda qand miqdori keskin ko‘tarilishi natijasida tanada tez-tez ochlik hisi paydo bo‘lishi kuzatiladi. “Zamin” yangiliklarini “Instagram”da kuzatib boring