Sog‘lom yurak siri aynan oshxonangizda yashiringan bo‘lishi mumkin. Ilmiy tadqiqotlar shuni ko‘rsatmoqdaki, oddiy ismaloq va boshqa bargli ko‘katlar yurak-qon tomir tizimi uchun tabiiy qalqondir. Xususan, ismaloq muntazam iste’mol qilinganda yurak xastaliklaridan va infarkt holatlaridan o‘lim xavfi deyarli 43 foizga pasayishi mumkin, deya ta’kidlashmoqda olimlar.
Bu o‘simlik nega bunchalik foydali? Gap shundaki, ismaloq tarkibida K1 vitamini juda ko‘p. Bu vitamin qon tomirlarini elastik holatda saqlab, ularda blyashka (xolesterin va yog‘ qatlamlari) to‘planishining oldini oladi. Natijada, yurakning qon bilan ta’minlanishi yaxshilanadi, xastaliklar xavfi esa ancha kamayadi.
Faqat ismaloq emas — brokkoli, karam, latuk va boshqa ko‘katlar ham shu vitamin manbai hisoblanadi. Ulardan bir kichik stakan miqdorda kuniga iste’mol qilish, organizmning K1 vitaminiga bo‘lgan talabini to‘liq qondiradi.
Shu bilan birga, K1 vitaminining foydasi faqat yurak bilan cheklanmaydi. U suyaklarni mustahkamlash, yallig‘lanishni kamaytirish va hatto miya faoliyatini yaxshilashda ham muhim ahamiyatga ega. Ya’ni, bir stakan ko‘kat — butun tana uchun katta foyda.
Ayniqsa, 40 yoshdan oshgan kishilar uchun bargli ko‘katlar miqdorini oshirish tavsiya etiladi. Sababi, bu yoshdan so‘ng yurak-qon tomir muammolari avj oladi va profilaktika eng yaxshi yechim hisoblanadi.
Tansiq taomlar qatoridan joy olgan ismaloqni qaynatma, salat, smuzi yoki hatto go‘shtli ovqatlarga qo‘shish orqali ratsionga kiritish mumkin. Uni tayyorlash oson, foydasi esa beqiyos.
Xulosa qilib aytganda, bargli ko‘katlar nafaqat vitamin manbai, balki yurakni asraydigan tabiiy qalqondir. Shu bois, taomnomangizda ularga alohida o‘rin ajrating — sizning hayotingiz uchun ham, sog‘lig‘ingiz uchun ham bu juda muhim.
Chunki sizning yuragingiz ham siz kabi yashashni xohlaydi! “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
