"Real"da yangi davr: Alonso qarorlari Rodrigo va Kamavinga taqdiriga ta’sir qiladimi?

Madridning "Real" klubida bosh murabbiylikka Xabi Alonso tayinlangani jamoa tarkibining kelajagiga jiddiy ta’sir o‘tkazmoqda, deb xabar berdi fichajes.net. Yaqinda klubdagi ayrim futbolchilar o‘z kelajagi borasida xavotirga tushgani ayon bo‘ldi — jumladan, Rodrigo Goes va Eduardo Kamavinga, yangi bosh murabbiyning taktik sxemalarida o‘zlariga joy topilmasligini anglab, yozgi transfer oynasida boshqa klubga ketishga ruxsat so‘radilar.

Mutaxassislar fikricha, "Real"ning transfer siyosatidagi so‘nggi yangiliklar — xususan, Franko Mastantuono kabi iqtidorli yosh o‘yinchilarning jamoaga qo‘shilishi, Rodrigoning boshlang‘ich tarkibga qaytishi ehtimolini deyarli yo‘qqa chiqardi. Shu bilan birga, Kilian Mbappe, Vinisius Junior va Jud Bellingem singari yulduzlar fonida u ko‘pincha zaxirada qolib ketmoqda.

Klub rahbariyati esa, Rodrigoni sotish bo‘yicha qaror qabul qilishga tayyor, chunki uning transfer qiymati pasayib ketmasligi muhim ahamiyatga ega. Kamavinga masalasi ham jiddiy. Xabi Alonso yangi mavsumda maydon markazida asosiy e’tiborni Orelen Tchuameni, Jud Bellingem, Federiko Valverde va Arda Gyulerga qaratishi mumkinligini bildirganidan keyin, Kamavinganing rolining cheklanishi xavf ostida qoldi.

Insayderlar ma’lumotiga ko‘ra, "Real" klubi har ikki futbolchining kelajagiga sun’iy to‘siq qo‘yishdan voz kechgan. Ya’ni, Rodrigo va Kamavinga yozda boshqa klublarga o‘tishga qaror qilsa, madridliklar ularga hech qanday to‘siq qo‘ymaydi.

Bu yangilik nafaqat "Real" muxlislari, balki Yevropaning ko‘plab grand klublari uchun ham katta ahamiyatga ega. Chunki, har ikki futbolchi katta salohiyatga ega bo‘lib, ularning transferi yozgi bozorda jiddiy muhokama markaziga aylanishi aniq.

Yaqin haftalarda Rodrigo va Kamavinganing taqdiriga oydinlik kiritiladi — klubda yangi davr boshlanarkan, ularning qanday qaror qabul qilishi muxlislar uchun katta qiziqish uyg‘otmoqda. "Real"da yangi loyiha boshlanmoqda va har bir o‘yinchi o‘z o‘rni uchun kurashishiga to‘g‘ri keladi. “Zamin”ni Telegramʻda oʻqing!