O‘zbekistonda 2025-yil oktabr holatiga ko‘ra, biznes faolligi indeksi sezilarli darajada oshib, 1319 punktni tashkil etdi. Iqtisodiy tadqiqotlar va islohotlar markazi (ITIM) ma’lumotlariga ko‘ra, bu ko‘rsatkich sentabr oyiga nisbatan 31,9 foizga, o‘tgan yilning shu davriga nisbatan esa 34,2 foizga yuqori.
O‘sishga bank hisobvaraqlaridagi operatsiyalarning ko‘payishi, tovar-xomashyo birjasidagi faollik va faol korxonalar sonining ortishi sabab bo‘ldi, biroq tovar belgilari ro‘yxatdan o‘tkazilishi biroz kamaydi. Eng yuqori o‘sish Qashqadaryo, Surxondaryo, Samarqand viloyatlari va Toshkent shahrida qayd etildi.
Banklararo to‘lov operatsiyalari 6,57 million tranzaksiyaga yetib, oldingi oyga nisbatan 6,2 foizga oshdi. Tovar-xomashyo birjasi aylanishi esa 7,2 trillion so‘mdan oshiq bo‘ldi.
Faol korxonalar soni 487,7 mingtaga yetdi, shu jumladan kichik korxonalar va fermer xo‘jaliklari ham ko‘paydi. Oktabr oyida jami 450 tovar belgisi ro‘yxatdan o‘tkazilgan bo‘lib, bu sentabr oyiga nisbatan 0,7 foizga kam.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
