4 198
«O‘zbek valyutasida bondlarning muvaffaqiyatli joylashtirilishi tom ma’noda tarixiy hodisa»
Kecha London fond birjasida o‘zbek so‘mida nominallashtirilgan Samarkand Bonds obligatsiyalari rasman sotuvga qo‘yildi. Shu munosabat bilan rasmiy marosim ham bo‘lib o‘tdi.
“Dunyo” AA yozishicha, uning umumiy hajmi 80 milliard so‘m(10 million AQSh dollari) bo‘lib, qarzni uzish muddati ikki yil va yillik stavkasi 9,5 foizga teng. Kelib tushgan mablag‘lar O‘zbekistonda kichik va o‘rta biznesni loyihalarini moliyalashtirish uchun “Hamkorbank”da milliy valyutada kredit liniyasini ochishga sarflanadi.
London fond birjasi bosh ijrochi direktori Nixil Ratining so‘zlariga ko‘ra, mazkur voqea nafaqat O‘zbekistondagi kompaniyalar rivojlanishi uchun qo‘shimcha moliyaviy resurslarni jalb etish imkonini beradi, balki o‘zbek milliy valyutasining xalqaro imijini oshirishga turtki bo‘ladi. Moliya vazirligi London siti ishlari bo‘yicha vaziri Jon Glen o‘zbek valyutasida bondlarni muvaffaqiyatli joylashtirilishini tom ma’noda tarixiy hodisa deb atadi.
Uning fikricha, O‘zbekiston va birja o‘rtasidagi o‘zaro aloqalarning ravnaq topishi ikki davlat o‘rtasidagi savdo-iqtisodiy va investitsion hamkorlikni sifat jihatdan yangi bosqichga ko‘taradi.
O‘z navbatida O‘zbekistonning sarmoyaviy va mamlakatni xalqaro kapital bozorga chiqish imkoniyatlariga bag‘ishlangan davra suhbati ham tashkil etildi. Tadbirda investitsion banklar va jamg‘armalar, xalqaro moliya institutlari, Britaniya ishbilarmon va rasmiy doiralari vakillari ishtirok etdi.
Xalqaro sarmoyadorlar mamlakatning suveren reyting olish, davlat obligatsiyalari va korporativ bondlar chiqarish bo‘yicha rejalariga qiziqish bildirdi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi