O‘zbekistonliklar Polshaga ishga taklif qilinmoqda

^{Foto: sportishka.com}
O‘zbekiston fuqarolari Polshaga ishga taklif qilinmoqda. Bu haqda Tashqi mehnat migratsiyasi agentligi axborot xizmati xabar berdi.

Ma’lum qilinishicha, ish turi — qoliplash (opalubshik), metall konstruksiyalarni mahkamlash/temirchi (montajnik metallokonstruksiy). Nomzodlar uchun quyidagi talablar qo‘yilgan:

- 18-45 yosh;
- rus yoki ingliz tillarini bilish;
- so‘ralayotgan bo‘sh ish o‘rinlari bo‘yicha ish tajribasi (tasdiqlovchi hujjat qo‘shimcha ustunlik beradi);
- sudlanmagan;
- xorijga chiqish taqiqlanmagan;
- jismonan va ruhan sog‘lom;
- zararli odatlardan holi.

Ish haqi 750 yevrodan boshlanadi. Yotoqxona, tibbiy sug‘urta, Polshada ro‘yxatdan o‘tish, yotoqxonadan ish joyigacha transport xarajatlari ish beruvchi hisobidan. Quyidagi xarajatlar fuqaro hisobidan:

- viza to‘lovi;
- aviachipta;
- agentlik to‘lovi;
- ovqatlanish xarajatlari.

Ro‘yxatdan o‘tish

Eslatma: 100 nafar nomzod ro‘yxatdan o‘tgandan keyin qabul to‘xtatiladi. “Zamin” yangiliklarini “Telegram”da kuzatib boring