Kuchli yomgʻir oqibati: Toshkentda onkologiya markazini suv bosdi
Toshkent shahrida kuchli yomg'ir natijasida favqulodda holat yuz berdi. 3 may kuni Chilonzor tumanidagi Bolalar onkologiya va gematologiya markaziga yomg'ir suvlar kirib kelgan. Favqulodda vaziyatlar vazirligi xodimlari tezkor choralar ko'rib, suvni tozalash ishlarini amalga oshirdilar va soat 21:00 ga kelib, vaziyat to'liq nazoratga olindi. Hozirda markaz faoliyati tiklangan va bunday holatlarning oldini olish uchun qo'shimcha choralar ko'rish zarurligi ta'kidlanmoqda.
Toshkent shahrida kuchli yogʻingarchilik oqibatida favqulodda holat kuzatildi. 3 may kuni poytaxtning Chilonzor tumanida joylashgan Bolalar onkologiya va gematologiya markazi hududiga yomgʻir suvlari oqib kirgan.
Favqulodda vaziyatlar vazirligi maʼlumotiga koʻra, hodisa haqida xabar olingach, mutasaddilar zudlik bilan voqea joyiga yetib borgan va vaziyat toʻliq nazoratga olingan.
Hududda toʻplangan suvni bartaraf etish ishlariga maxsus texnikalar jalb qilingan. Shuningdek, markaz xodimlari ham tozalash ishlarida faol ishtirok etgan.
Rasmiy maʼlumotlarga koʻra, olib borilgan tezkor chora-tadbirlar natijasida soat 21:00 ga kelib, suv bosishi oqibatlari toʻliq bartaraf etilgan.
Ayni paytda markaz faoliyati tiklangan boʻlib, mutaxassislar bunday holatlarning oldini olish boʻyicha qoʻshimcha choralar koʻrish zarurligini taʼkidlamoqda.
Izohlar 0
…