Namanganda noqonuniy dorixona faoliyati fosh etildi
Namangan viloyatida hujjatsiz faoliyat yuritayotgan dorixona fosh etildi. Bosh prokuratura huzuridagi Departament va boshqa huquqni muhofaza qiluvchi organlar hamkorligida o‘tkazilgan tadbirda, tadbirkor S.A. davlat ro‘yxatidan o‘tmasdan dorixona ochgani aniqlangan. Tekshiruv davomida 140,9 million so‘mlik dori vositalari musodara qilindi va jinoiy ish qo‘zg‘atildi. Hozirda tergov harakatlari davom etmoqda.
Namangan viloyatida tegishli hujjatlarsiz faoliyat yuritgan dorixona aniqlandi.
Bosh prokuratura huzuridagi Departamentning Norin tumani boʻlimi hamda boshqa huquqni muhofaza qiluvchi organlar hamkorligida tezkor tadbir oʻtkazildi. Unda fuqaro S.A. tadbirkor sifatida davlat roʻyxatidan oʻtmasdan dorixona faoliyati bilan shugʻullangani maʼlum boʻldi.
Maʼlum qilinishicha, u “Boʻston” MFY hududida joylashgan dorixonada sifatini tasdiqlovchi hujjatlari boʻlmagan dori vositalarini sotgan.
Tekshiruv davomida umumiy qiymati 140,9 million soʻm boʻlgan 1 197 turdagi 29 289 dona dori va tibbiy buyumlar musodara qilingan. Ushbu mahsulotlar ashyoviy dalil sifatida rasmiylashtirilgan.
Holat yuzasidan Jinoyat kodeksining 186-3-moddasi asosida jinoyat ishi qoʻzgʻatilgan.
Hozirda mazkur ish boʻyicha tergov harakatlari olib borilmoqda.
Izohlar 0
…