Foto: Prezident matbuot xizmati
Prezident Shavkat Mirziyoyev O‘zbekiston xalqiga Qurbon hayiti munosabati bilan tabrik so‘zini yo‘lladi.
«Muhtaram vatandoshlar! Siz, azizlarni, butun xalqimizni tinchlik, mehr-oqibat va hamjihatlik fazilatlaridan tobora obod va munavvar bo‘layotgan yurtimizga kirib kelgan Qurbon hayiti bilan chin qalbimdan samimiy muborakbod etaman. Ushbu saodatli damlarda barchamiz bu ulug‘ ayyomning ruhi va shukuhini chuqur his etib, el-yurtimiz bilan birgalikda shunday yorug‘ kunlarga yetkazgani uchun Yaratganga cheksiz shukronalar aytamiz», deyiladi tabrik so‘zi boshida.
Davlat rahbari ezgulik, mehr-muruvvat, saxovat va olijanoblik ramzi sifatida mustahkam qaror topgan Qurbon hayiti bugungi kunda barcha sohalarda inson qadri yetakchi o‘ringa chiqayotgan Yangi O‘zbekistondagi keng ko‘lamli islohotlar mazmuniga naqadar uyg‘un va hamohang ekani bilan yanada ahamiyatli bo‘lib borayotganini ta’kidladi.
«Muqaddas dinimiz, uning insonparvarlik mohiyatini o‘zida yaqqol ifoda etadigan ushbu fayzli bayram biz uchun ibrat maktabi, kuch-g‘ayrat manbai bo‘lib xizmat qiladi, desak, ayni haqiqatni aytgan bo‘lamiz», deyiladi tabrik so‘zida.
Prezident shu kunlarda Haj ziyorati safarida bo‘lgan 15 ming nafar vatandoshni ham tilga oldi.
«Pok niyatlar ijobat bo‘ladigan mana shunday ilohiy lahzalarda ularning barchasiga chin dildan haj ibodatlarini to‘liq ado etib, yurtimizga sog‘-omon qaytib kelishlarini tilaymiz», deyiladi tabrik so‘zida.
Shu bilan birga, Mirziyoyev xorijiy ellarda bo‘lib turgan vatandoshlarni ham samimiy tabrikladi. Jahonning turli mintaqalarida davom etayotgan urush va janjallar tezroq barham topishini, Yer yuzida doimo tinchlik va osoyishtalik barqaror bo‘lishini tiladi.
«Barchamiz hamjihat bo‘lib, boshlagan islohotlarimizni yanada qat’iy davom ettirsak, bu ulug‘ maqsadga so‘zsiz yetamiz. Farzandlarimizni albatta bilimli, hunarli, odobli insonlar, chinakam vatanparvar avlod etib voyaga yetkazamiz. Shu yo‘lda barchamizga baxt va omad yor bo‘lsin! El-yurtimizni Yaratganning o‘zi panohida asrasin!
Siz, azizlarni muqaddas Qurbon hayiti bilan yana bir bor tabriklab, barchangizga sihat-salomatlik, xonadonlaringizga tinchlik-xotirjamlik, fayzu baraka tilayman. Ulug‘ ayyom barchamizga muborak bo‘lsin!», deyiladi tabrik so‘zi yakunida. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pokistonda olomon Qur’onni tahqirlagan sayyohni yoqib yubordi
Uzoq umr ko‘rish uchun yordam beradigan 5 ta foydali odat
Armaniston Falastin davlatini rasman tan oldi
Kinorejissyor: “Jadidlarimizning mag‘rur va g‘olib qiyofalarini chizishimiz kerak”
Isroil ommaviy dafn marosimlariga tayyorgarlik ko‘rmoqda
Isroil rasmiysi: “HAMASni yengib bo‘lmaydi”
Janubiy Koreya Putinning KXDRga tashrifiga javob berdi
KXDR va Rossiya o‘rtasidagi yangi kelishuvda aynan nima deyilgan?
