2012 yilda Sem Vankuverdagi Apple do'konida ishlagan va kutilmaganda mashhur bo'lib ketgan, deb xabar berdi Business Insider. Buning sababi uning ismi — Sam Sung, Apple'ning asosiy raqibi bo'lgan Samsung nomi bilan bir xil bo'lganida edi.
Uning vizitkasi suratlari ijtimoiy tarmoqlarda tarqalib, "Samsung Apple'da ishlaydi" degan hazillar paydo bo'ldi. Avvaliga Sem uni ishdan bo'shatishadi deb o'ylagan edi.
"Menga do'kondan qo'ng'iroq qilishardi, jurnalistlar kelishardi, hamkasblarimga esa men haqimda gapirish taqiqlab qo'yilgan edi", deydi u. Oradan bir yil o'tib, u Apple'dan ketdi va bu hodisani yaxshi tomonga o'zgartirishga qaror qildi — u vizitkasi va Apple logotipli formasini auksionda sotib, 2,5 ming dollar mablag'ni xayriya uchun sarfladi.
Keyinchalik u familiyasini Shotlandiya qishlog'i sharafiga Struan deb o'zgartirdi. Uning aytishicha, bu qarorni mem imijidan qutulish va ish topishni osonlashtirish uchun qilgan.
"Men internet hazil sifatida tanilishni xohlamasdim. Bundan tashqari, inglizlashtirilgan ism bilan ish topish osonroq bo'ldi", deydi u.
Hozirda u maslahatchi va rezyume yozuvchi sifatida faoliyat yuritmoqda. Hali ham odamlar uni ba'zan Sam Sung deb chaqirishadi, lekin u o'zgarishlardan afsuslanmaydi.
"Agar vaqtni orqaga qaytarish mumkin bo'lsa, men shunchaki kulgan bo'lardim. Ammo o'sha paytda ortiqcha xavotir olib, LinkedIn profilimni bekor qildim", deydi u.
