Toshkent shahri Yashnobod tumanida xotinini to‘yga yubormaslik uchun yerto‘laga qamab qo‘ygan 41 yoshli sobiq harbiyga sud hukmi chiqarildi.
Sud hujjatlariga ko‘ra, 2025 yil 26 iyul kuni kechqurun u turmush o‘rtog‘i G.S.ni Samarqanddagi qarindoshlar to‘yiga ketmoqchi bo‘lgani uchun zo‘rlik bilan yerto‘laga tushirib, 1 sutka davomida suv va oziq-ovqat bermasdan, g‘ayriqonuniy ozodlikdan mahrum qilgan.
Shuningdek, 2025 yil 31 avgust kuni u bank kartasi “blok” bo‘lganini bahona qilib, xotinini qo‘li va telefon quvvatlagich simi bilan do‘pposlagan. Ekspertiza G.S. tanasining turli joylarida ko‘karishlar borligini tasdiqlagan.
2025 yil 19 dekabr kuni bo‘lib o‘tgan sudda erkak aybiga to‘liq iqror bo‘lgan. Sud uni g‘ayriqonuniy ozodlikdan mahrum qilish va oilaviy zo‘ravonlik moddalari bilan aybdor deb topib, 3 yil 1 oy muddatga ozodlikdan mahrum qildi. Jazoni manzil-koloniyada o‘tashi belgilandi.
“Zamin”ni Telegramʻda oʻqing!
