Namangan viloyatida aliment to‘lovlarini uzoq vaqt davomida bajarmagan qarzdor otadan katta miqdordagi qarz to‘liq undirildi. Majburiy ijro byurosi Yangi Namangan tumani bo‘limi davlat ijrochilari tomonidan olib borilgan tushuntirish ishlari natijasida 42 million so‘m aliment qarzi qoplandi.
Ma’lum bo‘lishicha, Fuqarolik ishlari bo‘yicha Namangan tumanlararo sudining hal qiluv qaroriga asosan fuqaro M.M. foydasiga bir nafar farzand ta’minoti uchun aliment undirish belgilangan. Biroq qarzdor belgilangan majburiyatni uzoq vaqt davomida bajarmagani sababli jami 42 million so‘m qarzdorlik yig‘ilib qolgan.
Davlat ijrochisi qarzdorga qonunchilik talablari, aliment to‘lamaslikning oqibatlari hamda huquqiy javobgarlik masalalarini batafsil tushuntirgan. Shundan so‘ng qarzdor o‘z majburiyatini anglab yetib, aliment bo‘yicha qarzdorlikni to‘liq to‘lab bergan.
MIB organlari voyaga yetmaganlarning manfaatlarini himoya qilish, aliment to‘lovlarini o‘z vaqtida va to‘liq undirib berish bo‘yicha ishlar izchil davom ettirilayotganini ma’lum qildi.
“Zamin”ni Telegramʻda oʻqing!
