Foto: Il Messaggero
Italiya fuqarosi Jorjo Geno Toshkentda ijaraga olingan xonadonida o‘lik holda topildi. Bu haqda «Daryo» Bosh prokuratura matbuot xizmatiga tayanib xabar berdi.
Xabarga ko‘ra, 16 fevral, yakshanba kuni soat 23:00 da Mirobod tumani IIB FMBga F.B.dan — 1992 yilda tug‘ilgan Jorjo Geno vaqtinchalik propiska qilingan xonadon egasidan tezkor xabar kelib tushgan.
Voqea joyi ko‘zdan kechirilgan vaqtda xonadon eshigi buzilgani, xonalardagi buyumlar tartib holda ekani, halok bo‘lgan odamning tanasida tashqi jarohatlar yo‘qligi aniqlangan.
O‘lim sababini aniqlash maqsadida sud tibbiy ekspertizasi o‘tkazilishi belgilangan. Tergovga qadar surishtiruv ishlari olib borilmoqda.
Foto: Bosh prokuratura
Jorjo Genoning o‘limi haqidagi xabarlar Italiya OAVda 20 fevral, payshanba kuni tarqalishni boshlagan. Xabarlarga ko‘ra, yigitning ota-onasi uch kun davomida u bilan bog‘lana olmagan va mahalliy hokimiyat vakillaridan bu borada yordam so‘ragan, yakunda Geno kvartirada o‘lik holda topilgan.
Jorjo Geno ko‘p yillar davomida xorijda, jumladan, Avstraliya va Sobiq Ittifoq tarkibiga kirgan aksar mamlakatlarda yashagan. U O‘zbekistonga bir necha oy ilgari kelgandi. Ota-onasining so‘zlariga ko‘ra, Jorjoning sog‘lig‘i joyida bo‘lgan va u bodibilding bilan shug‘ullangan.
Avstraliyaning Star Now saytida berilgan ma’lumotda Jorjo Genoning ijodni endi boshlagan aktyor va model ekani yozilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Sariqmi yoki yashil: qaysi turdagi banan foydaliroq?
AQSHning G‘azodagi siyosatidan norozi Davlat departamenti rasmiysi iste’foga chiqdi
Zoir Mirzayev “Telefonsiz maktab”ga 300 mln so‘m mukofot berdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi