Foto: Axborot va ommaviy kommunikatsiyalar agentligi
«Formali» xodimlarning fuqarolik jamiyatiga kirib borishi yaxshi hodisa. Bu fikr mahalla va oila masalalari vaziri Rahmat Mamatov tomonidan jurnalistlar bilan bo‘lgan ochiq muloqotda aytib o‘tildi, deya xabar bermoqda «Daryo» nashri.
2020 yil fevral oyi o‘rtalarida O‘zbekistonda Mahalla va oila masalalari vazirligi tashkil etildi. Prezident farmoniga muvofiq, vazirlikning hududiy boshqarma va bo‘limlari boshliqlari hokim o‘rinbosariga tenglashtirildi. Shu bilan birga, Mahalla va oila masalalari vazirligi Ichki ishlar vazirligi bilan uzviy hamkorlikda ishlashi belgilandi.
Ilgari Farg‘ona viloyati IIB boshlig‘i sifatida ishlagan Rahmat Mamatov vazirlik rahbari etib tayinlandi. Ichki ishlar vaziri o‘rinbosari hisoblangan Aziz Ikromov bir vaqtning o‘zida Mahalla va oila masalalari vazirligida Rahmat Mamatovning ham o‘rinbosariga aylandi.
O‘z navbatida, vazirlikning to‘rtta — Toshkent, Samarqand, Navoiy va Xorazm viloyatlaridagi boshqarmalariga ichki ishlar tizimida faoliyat yuritgan xodimlar boshliq etib tayinlandi. Mamatovning ta’kidlashicha, bu tayinlovlar mazkur hududlarning chegarada joylashgani bilan bog‘liq.
«Ushbu tayinlovlar kimnidir qamash yoki qattiqqo‘llik nuqtai nazaridan amalga oshirilgani yo‘q. O‘zbekistonda 2 mingga yaqin mahalla chegara hududida joylashgan. Fuqarolar o‘rtasida chegarani buzmasligi haqida tushuntirish ishlarini olib borish va hamkorlikni yo‘lga qo‘yishni maqsad qilganmiz. Chegaradagi xavfsizlik — siz uchun ham, men uchun ham, butun O‘zbekistonimizda yashaydigan har bir fuqaro uchun ham eng muhim masala», — dedi vazir.
Vazirning qo‘shimcha qilishicha, «formali» xodimlarning bu tizimga o‘tishi — yaxshi hodisa. «Ular fuqarolik jamiyatiga kirib boryapti. Bu rahbarlar mahallaning ishiga aralashmaydi. Aksincha, ular vazirlik nuqtai nazaridan ko‘maklashish, maslahat hamda huquqiy yordam berish uchun tayinlangan», — deya izohladi Rahmat Mamatov. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi