23:57 / 22.07.2020
925

Jamg‘arma foydasiga yarim mlrd. so‘m boj undirib berildi

Jamg‘arma foydasiga yarim mlrd. so‘m boj undirib berildi
Majburiy ijro byurosi Mirobod tuman bo‘limi ish yurituviga Toshkent tumanlararo Iqtisodiy sudining 28 fevral 2020 yildagi ijro varaqasiga ko‘ra, qarzdor ”Agro Yeksport Poytaxt” MCHJdan undiruvchi Sud xokimiyati organlarini rivojlantirish jamg‘armasi foydasiga 502 mln. 027 ming so‘m davlat boji undirish to‘g‘risidagi ijro hujjati joriy yilning 3 aprel kuni kelib tushgan va shu kunning o‘zida ijro ishi yuritish qo‘zg‘atilib, qo‘zg‘atish qarori qarzdorga yuborilgan.

Qarzdor davlat ijrochisi tomonidan berilgan ixtiyoriy muddatda qarzdorlikni qoplanmaganligi sababli davlat ijrochisi tomonidan qarzdorning hisob raqamlariga inkasso qo‘yilgan.

Olib borilgan majburiy ijro harakatlari natijasida qarzdordan 2020 yil 16 iyun kuni 502.027 ming so‘m qarzdorlik to‘liq undirilgan. Ijro hujjati "Sud hujjatlari va boshqa organlar hujjatlarini ijro etish to‘g‘risida"gi qonunning 41-modda 1-qismiga asosan ijro ishi yuritish tamomlangan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)