23:23 / 06.02.2021
968

Sergelida fuqaroga qariyb 4,5 ming dollarga yer olib berishni va’da qilgan “mansabdor”lar ushlandi

Sergelida fuqaroga qariyb 4,5 ming dollarga yer olib berishni va’da qilgan “mansabdor”lar ushlandi
Sergeli tumanida fuqaroga yer olib berishni va’da qilgan “mansabdor” firibgarlar ushlandi. Bu haqda Bosh prokuratura Matbuot xizmati xabar berdi.

Unga ko‘ra, Bosh prokuratura huzuridagi Departamentning Yangihayot tuman bo‘limi tomonidan o‘tkazilgan tergovga qadar tekshiruvda, muqaddam bir necha marta firbgarlik jinoyatlari uchun sudlangan fuqarolar N.F.(ayol), D.U. va U.K.lar oldindan til biriktirib, fuqaro V.S.ning ishonchiga kirishib, unga sherigi U.K.ni go‘yoki Sergeli tuman hokimligida ishlovchi mansabdor shaxs sifatida ko‘rsatishib, unga tumanda bo‘sh turgan 10-12 sotix yer maydoniga egalik qilish huquqini beruvchi kadastr hujjatini rasmiylashtirib berish evaziga 4300 AQSh dollarini firibgarlik yo‘li bilan qo‘lga kiritganliklari aniqlangan.

Mazkur holat yuzasidan Jinoyat kodeksining 168-moddasi 2-qismi, 28, 211-moddasi bilan jinoyat ishi qo‘zg‘atilib, tergov harakatlari o‘tkazilmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)