22:14 / 22.02.2021
621

Jamiyatdan 400 mln. so‘mdan ortiq qarzdorlik undirildi

Jamiyatdan 400 mln. so‘mdan ortiq qarzdorlik undirildi
Toshkent tumanlararo iqtisodiy sudining ijro varaqasiga asosan, qarzdor «Kitob ip yigiruv» OAJdan undiruvchi «Agroximstar» MCHJ foydasiga 337 mln. 525 ming so‘m asosiy qarz, 70 mln. so‘m penya va pochta xarajatini jami 407 mln. 542 ming so‘m undirish to‘g‘risidagi ijro hujjati Byuroning Kitob tuman bo‘limi ish yurituviga kelib tushgan.

Joriy yilning 11 fevral kuni davlat ijrochisi tomonidan ijro ishini yuritish to‘g‘risida qaror qabul qilinib, ijro qilishlik uchun qarzdorga yuborildi. MIB-portal elektron dasturi orqali tegishli tashkilotlarga so‘rovnomalar yuborilib, unga tegishli bo‘lgan mol-mulklarga band solindi.

Jamiyatga qarzdorlikni bartaraf etish uchun ixtiyoriy 15 kunlik muddat berildi. Aks holda, qonunchilikda belgilangan tartibda javobgarlikka tortilishi mumkinligi haqida ogohlantirildi. «Kitob ip yigiruv» OAJ rahbariyati mas’uliyatni his qilgan holda 18 fevral kuni barcha qarzdorliklarni to‘liq to‘lab berdi.

Sanjar Muhammadiyev
MIB Kitob tuman bo‘limi davlat ijrochisi


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Jamiyatdan 400 mln. so‘mdan ortiq qarzdorlik undirildi